Kuu-ba-Kuu phail gayi baat shanaasayi ki
Us ne Khushbu ki tarah meri paziirayi ki
Kaise keh du ki mujhe chhorrd diyaa hai us ne
Baat to sach hai magar baat hai rusvayi ki
Vo kahi bhi gaya lauTa to mere paas aayaa
Bas yahi baat hai achchhi mere harajayi ki
Tera pehaluu tere dil ki tarah aabaad rahe
Tujh pe guzre na qayaamat shab-e-tanhaayi ki
Us ne jaltii hui peshaani pe jo haath rakhaa
Ruuh tak aa gayi taasiir Masiihaayi ki
ENIA
No comments:
Post a Comment