Usi Ka Raha...

Main bhi kiya hoon'usy bhool kr usi ka raha
ky jis k sath na tha'humsafar usi ka raha

doost k dushman e deen tha ba'qol nasseh
sawal e sajda jab aaya toh dar usi ka raha

bohat si khuwaish'soo barishon mein bheegi hain
main ksi tarha se kahoon'k umer bhar usi ka raha

main apny hurf ki tauqeer janta tha Faraz
isi liye kaf e qatil py sar usi ka raha...

By Ahmad Faraz..

Neeind Bhala Kab Aati Hai...

Jab neend say aankhein bojhal hon
Aur apnay aankh say ojhal hon
Phir neend bhala kab aati hai
Jab dil mein basnay walay bhi
Aur sath mein hasnay walay bhi
Door kahin wo bastay hon
Kisi aur k sath wo hanstay hon
Phir neend bhala kab aati hai
Jab gham ki raat anheri ho
Aur us mein yaad bhi teri ho
Na dil mei koi ujaala ho
Phir neend bhala kab aati hai


ENIA

Likh Do...

Dil udas hai bohat koi pegham hee likh do
Tum apna naam na likho gumnaam hee likh do..

Meri qismat mein gham-e-tanhai hai laikin
Tamam umar na likho magar ik shaam hee likh do...

Zaroori nahi k mil jaye sakon har kisi ko
Sar-e-bazam na aao magar benaam hee likh do....

Yeh jaanta hoon k umar bhar tanha mujh ko rehna hai
Magar pal do pal ghari do ghari meray naam hee likh do...

Chalo hum maan letay hain k saza k mustahiq thehray hum
Koi inaam na likho koi ilzaam hee likh do....


ENIA

Tumharey Liye.....

Jab tumharay shehar mein hum raha kartay thay...
Hum bhi chup chap jiya kartay thay,

Aankhon mein piyaas huwa karti thi....
Dil mein toofan utha kartay thay,

Log aatay thay ghazal sunanay...
Hum tumhari baat kiya kartay thay,

Ghar ki deewar sajanay ki khatir...
Tumhara naam likha kartay thay,

Tumharay liye jiya kartay thay..
Tumharay liye hee mara kartay thay,

Aaj tumhari tasveer dekhi toh yaad aya...
Kabhi hum bhi tumsay muhabbat kiya kartay thay....


ENIA

Tumhey Jo Besabab....

Tumhey jo besabab mujh se khafa honey ki aadat hai
Ye aaghaz e judai hai k andaz e muhabbat hai,

Wafa k rang mein dekho jafa achi nahi hoti
kisi se pyar mein itni ana achi nahi hoti,

Faqat kehny ki baatein hain nibhata kaun hai kis ko
chalo ab dekh lety hain manata kaun hai kis ko...

ENIA

Aankhon Mein...

Na janay dhoondtay ho kya meri veeran aankhon mein
Chupa rakhay hum nay toh kayi toofan aankhon mein,

Kahan wo sokhiyan pehlay si ab kuch bhi nahi baqi
Chalay aaye ho tum kya khojnay in bay-jaan aankhon mein,

Kis ka hath lekar hath mein jab tum milay hum say
Toh kaisay toot kay bikhra tha mera maan aankhon mein,

Na samjho chup hain tu tum say koi shikwa nahi baqi
Hum apnay dard ki nahi rakhtay koi pehchaan aankhon mein,

Milay thay baad muddat k humein tum ajnabhi ban kar
Toh kaisay dard na utra meri hairaan aankhon mein,

Nahi ab phir say koi rabta rakhnay say kuch hasil
K ab dafna diye hum nay sabhi armaan ankhon mein....

ENIA

Akelepan Ki Udasiyan...

Yeh akelay pan ki udasiyan yeh firaq lamhay azab say
Kabhi dasht-e-dil pay bhi aa rukein teri chahton k qaflay
Mein hoon tujh ko azeez tar yeh kaisay maan loon humsafar
Teri baat lagti hai weham si teray lafz lagtay hain khuwab say
Yeh jo mera rang hai roop hai youn hee besabab nahi dosto
Meray khushboun say hain silsilay meri nisbatein hain gulab say
Wohi moatabar hai meray liye wohi hasil-e-dil-o-jaan hai
Wo jo baab tum nay chura liya meri zindagi ki kitaab say

ENIA

Mausam....

Tum ko yaad hai janaan
Guzishta saal May mein
Issi tarha ka mausam tha
Jab tum nay kaha tha mujh say
Chalo hum naam badaltay hain
Koi achay say farzi naam
Rakho tum apnay aur meray
Haan us waqt tumhari baat
Meinay un suni kar di
Magar jab say lagi thokar
Tu ab kuch naam zehan mein aye
Aaj issi May mein
Wo farzi naam rakhay hain
Mera naam aaj say tanha
Aur
Tumhara naam mausam hai
K tanha ana parast thehra
Aur mausam bewafa janaa


ENIA

Bhula Dey Mujhko...

Gungunatay huway aanchal ki hawa day mujh ko
Ungliyan balon mein pher k sola day mujh ko
Jis tarhan faltoo guldan lagay rehtay hain
Apnay ghar k kisi konay say laga day mujh ko
Yaad kar k mujhay tujh ko takleef hee hoti hogi
Ek qisa hoon purana sa bhula day mujh ko
Dobtay dobtay awaz teri sun jaon
Akhiri bar tu sahil say sada day mujh ko
Mein teray hijr mein chup chap na mar jaon kahin
Mein hoon saktay mein kabhi aa k rula day mujh ko
Daikh mein ho gaya badnam kitabon ki tarhan
Meri tash heer na kar ab jala day mujh ko
Roothna tera meri jaan liye jata hai
Aisay naraz na ho hans k dikha day mujh ko
Aur kuch bhi nai manga meray maalik tujh say
Us ki galion mein pari khad bana day mujh ko
Log kehtay hain ishq nigal jata hai
Mein bhi is ishq mein aya hoon dua day mujh ko
Yehi auqat hai meri teray jivan mein k mein
Koi kamzor sa lamha hoon bhula day mujh ko


ENIA

Ek Din

Ek din mila wo mujh say
Bhuja bhuja sa
Jhuka jhuka sa
Udasiyou mein racha racha sa
Jo mein nay poocha udas kyou ho
Jhuka k palkein chupa k chehra
Laga wo kenay
Udasiyoun ka sabbab tumhi ho
Meray naseebon mein tum nahi ho


ENIA

Dhanak...

Teri sanson mein gulabon ki mehal lagti hai
Husan jis rang mein ho teri jhalak lagti hai
Shaam hotay hee nigahon mein utar atay ho
Dil ki dharkan teray peron ki dhamak lagti hai
Is liye phool mein kalar mein saja leta hoon
In ki khushboo teray aanchal ki mehak lagti hai
Jaisay guzra ho abhi tu meray darwazay say
Ab hawa bhi teri payal ki khanak lagti hai
Kisi barish k barastay hee jo ghir aati hai
Teri aankhon mein wo rangon ki dhanak lagti hai
Is liye chand teray husan ka garveeda ha
Teray paikar mein un aankhon ki chamak lagti hai
Janay kyou wo meri aankhon ko bhala lagta hai
Jis k chehray pay zara teri jhalak lagti hai
Jis ki awaz mujhay had say bhali lagti hai
Ab wo hansi teray lehjay ki kasak lagti hai


ENIA

Tang Kiya...

Aaj phir mujh ko hawaon nay bohat tang kiya
Dil ki khamosh sadaon nay bohat tang kiya
Teri mehfil mein hum bhi chalay aaye thay laikin
Teri mehfil kay khudaon nay bohat tang kiya
Aik bhi zakhm mera us k sabab bhar na saka
Apni yek tarfa wafaon nay bohat tang kiya
Aik lamha bhi tu khushion ka mayasar na huwa
Zindagi teri sazaon nay bohat tang kiya
Jab say bichra hoon mein us jan-e-wafa say ay dost
Chand taroon nay fizaon nay bohat tang kiya


ENIA

Zara Parey...

Ik chand tanha khila raha
mere asman say zara paray
mere sath sath safar main tha
mere manzilon say zara paray
teri justuju k hisar se
tere khawab tere khayal say
main woh shaks tha jo khara raha
tere chahton say zara paray
kabhi dil ki bat kahi nahin the
jo kahi teh woh bhi dabi dabi
mere lafz porey to the magar
samaoton se zara paray
tu chala geya mere hamsafar
zara dkeh mur k ik nazar
mere kashtiyan hain jali hoyen
tere sahilon sway zara paray .....


ENIA

Kaun Hu Main...

Poochty ho to suno kon hun main ......... .........
Chund simtay hue ashaar hun main ......... ........

Sirf tareef se yaha(n) kuch nahi hota ............ ........
Aap ki duao(n) ka talab_gaar hun main .......... .......

Bayaan_e_dil paish karta hun jab ........ .........
Log kehty hain dil_e_beemar hun main .......... ........

Bolun agar khara to hun shamsheer ........... .........
Or agar likh daalo(n) to talwaar hun main .......... .........
Tareef karny par agar utar aao(n) kabhi .......... ..........
To gul_faam hun main, gulzaar hun main .......... ..........

Jazbaat ko sawaarna jaanta hun bohat khoob ............ .........
Shaiyri ka sar_taj hun , shah_kaar hun main ....... ..........

Lafzo(n) se yun khelna sab ko nahi aata ........... ...........
Mujhy aata hai, samajh_daar hun main .............. ..........

Hain or bhi sukhan_war is hunar k dost ............ ..........
Mat bolo k 'Tanha' guneh_gaar hun main


ENIA

Maan Jana

Main apni raton ki fursaton mei
jo tujhe munao tu mann jana...

kise din mei apne ansu
jo le k ayoo tu mann jana...

ye aik dil hi tumhe diya tha
so is ko tum ne tor dala...

.
shikasta dil ki in kirchiyon ko
samait lao tu mann jana..

.
tu khush nahi hey meri baqa p
to sirf itna hi yadd rukh le..

.
teri khushi k liye jo sooli pe
muskerao tu mann jana....

tu budguman hey meri wafa pe
tu sirf ek bar azama le.....

jo harr jau tu lout jana
jo jeet jao tu maan jana


ENIA

Mohabbat Ka Ikhtiyaar...

Kabhi Tum apni Mohabbat ka Aitbaar to do ........ ......... !
Main chahun Toot k Tum ko ye Ikhtiyaar to do ........ ......... !

Guzarti hi nahi Mujh se ye Zindagi Tanha ........ ......... !
Sahara Pyaar ka de kar esey guzaar to do ........ ......... !

Main sochta Hun Tumhary bagair kya hoga ........ ......... ?
Dil-o-Dimaag per ek Bhoj hai utaar to do ........ ......... !

Mere khayal ki Raaho9n) ko Keh_Kishaa(n) kar do ........ ......... !
K Roshni se Meri Zindagi Sanwaar to do ........ ......... !

Umeed-e-Wafa Ghum-e-Hijar ka Mudawa hai ........ ......... !
Main Intizaar karun magar Zabt-e-Intizaar to do ........ ......... !


ENIA

Ek Roz...

Ek roz tum ne thama tha haath mera
mere haath se tere haath ki khushbu nahi jati
tum bohat pyar se pukartey they naam mera
mere kaano se tumhari woh aawaz nahi jati
main bulata bhi na tha aur tum aa jatey they
ab bulaney per bhi meri aawaz tum tak nahi jati
bus chukey ho meri nus nus mein tum lahu ki terha
meri ulfat tumhari rooh mein uter kyun nahi jati
main janta hoon yeh sheher yeh rastey tumhare nahi
phir bhi meri aankhon se intizar ki aadat nahi jati

ENIA

Hazarao Pal...

Hazarou pal tumahre bin,
na pucho kaise katte hai,
kabhi yadien satati hai,
kabhi mosam rulatein hai
,hamara mann rakh lena..
hamein dil me basa lena..
bahut tute hue dil se ..
bahut rutha nahi karte..
zamane se chaupate hai..
ise ruswa nahi karte..
suno aisa nahi karte..j
ise shafaf rakhna ho..
use maila nahi karte..!!


ENIA

Parakhney Ka....

Kyaa bhalaa mujhako paraKhane ke natiijaa nikalaa
zaKhm-e-dil aap kii nazaro.n se bhii geharaa nikalaa

Tod K dekh liyaa aaiinaa-e-dil tuune
terii suurat ke sivaa aur bataa kyaa nikalaa

Tishnagii jam gaii patthar kii tarah ho.nTo.n par
Duub kar tere dariyaa mein main pyaasaa nikalaa


ENIA

Mera Dil Bhi..

Meraa dil bhii shauq se todo ek tajurbaa aur sahii
laakh khilone tod chuke ho ek khilonaa aur sahii

Raat hai Gam kii aaj bujhaa do jalataa huaa har ek chiraaG
dil mein andheraa ho hii chukaa hai ghar mein andheraa aur sahii

Dam hai nikalataa hai ik aashiq kaa bhiid hai aa kar dekh to lo
laakh tamaashe dekhe honge ek nazaaraa aur sahii

khanjar le kar sochate kyaa ho qatl bhii kar Daalo
daaG hain sau daaman pe tumhaare ek izaafaa aur sahii



ENIA

Us Ki Hasrat

Us kii hasarat hai jise dil se miTaa bhii na sakuu.N
Dhuu.NDhane us ko chalaa huu.N jise paa bhii na sakuu.N

[hasarat=desire ]

Daal kar Khaak mere Khuun pe qaatil ne kahaa
Kuchh yeh mehandii nahii.n merii ke miTaa bhii na sakuu.N

zabt kam_baKht ne aur aa ke galaa gho.NTaa hai
ke use haal sunaa_uu.N to sunaa bhii na sakuu.N

[zabt=forbearance]

us ke pahaluu me.n jo lejaa ke sulaa duu.N dil ko
niind aisii use aaye ke jagaa bhii na sakuu.N

[pahaluu=lap ]

naqsh-e-paa dekh to luu.N laakh karuu.Ngaa sajade
sar meraa arsh nahii.n hai ki jhukaa bhii na sakuu.N

bevafaa likhate hai.n vo apanii kalam se mujh ko
ye vo qismat kaa likhaa hai jo miTaa bhii na sakuu.N

is tarah soye hai.n sar rakh ke mere zaano.n par
apanii so_ii hu_ii qismat ko jagaa bhii na sakuu.N



ENIA

Ishq Mein...

ishq me.n jaa.N se guzarate hai.n guzarane vaale
maut kii raah nahii.n dekhate marane vaale

aaKhirii vaqt bhii puuraa na kiyaa vaadaa-e-vasl
aap aate hii rahe mar gaye marane vaale

[vaadaa-e-vasl=promise to meet]

uThe aur kuuchaa-e-mahabuub me.n pahu.Nche aashiq
ye musaafir nahii.n raaste me.n Thaharane vaale

[kuuchaa-e-mahabuub=the street where one's beloved stays]

jaan dene kaa kahaa mai.n ne to ha.Ns kar bole
tum salaamat raho har roz ke marane vaale

aasmaa.N pe jo sitaare nazar aaye 'Ameer'
yaad aaye mujhe daaG apane ubharane vaale


By Ameer Minai

ENIA

Acchey Eisaa Ho...

Achchhe isaa ho marizo kaa Khayaal achchhaa hai
Hum mare jaate hai tum kahate ho haal achchhaa hai

Tujh se mangu mai tujhi ko ki sab kuchh mil jaaye
Sau savaalo se yahi ek savaal achchhaa hai

Dekh le bul_bul-o-paravaanaa ki betaabii ko
Hijr achchhaa na haseeno kaa visaal achchhaa hai

Aa gayaa us kaa tasavvur to pukaaraa ye shauq
Dil mein jam jaaye ilaahii ye Khayaal achchhaa hai


By Ameer Minai


ENIA

Dil K Dariya Ko....

dil ke dariyaa ko kisii roz utar jaanaa hai
itanaa besimt na chal lauT ke ghar jaanaa hai

us tak aatii hai to har chiiz Thahar jaatii hai
jaise paanaa hii use asl me.n mar jaanaa hai

bol ai shaam-e-safar rang-e-rihaa_ii kyaa hai
dil ko rukanaa hai ki taaro.n me.n Thahar jaanaa hai

kaun ubharate hue mahataab kaa rastaa roke
us ko har taur suu-e-dasht-e-sahar jaanaa hai

mai.n khilaa huu.N to isii Khaak me.n milanaa hai mujhe 
vo to Khushbuu hai use agale nagar jaanaa hai

vo tere husn kaa jaaduu ho ke meraa Gam-e-dil
har musaafir ko isii ghaaT utar jaanaa hai


By Amjad Sahab


ENIA

Aisi Shaam

Aisi hi sard shaam thi vo bhi
Jab vo mehandi rachaaye haatho mein

Apani aahat k Khauf se larazaan (trembling)
Surkh anchal mein muuh chhipaaye hue

Apney Khat mujh se lene aayi thi
Us ki sahami hui nigaaho mein

Kitanii Khaamosh iltijaaye thi
Us ke chehare ki zard(Yellowish) rangat mein

Kitni majabuuriyo k saaye the
Mere haatho se Khat pakadtey hi

Jaane kyaa soch kar achaanak vo
Meraa shaanaa(Shoulder) pakad kar royi thi

Us k yaaquut(Ruby, A Gem) rang honthon k
kap_kapaate hue kinaaro par

Saikdo unkahe fasaane the
Sard shaamo mein der tak aksar

Jab ye manzar dikhayi deta hai
Ek lamhaa hinayi haatho se

Mujh ko apni taraf bulaataa hai
Humnashi rooth kar naa jaa mujh se

Aisi hi sard shaam thi vo bhi






ENIA

Mohabbat Chupa Raha Hai Koi.....

Ye husn-e-raaz muhabbat chhupaa rahaa hai koi,
hai ashk aankon mein aur muskuraa rhaa hai koi.

Nazar nazar mein tajallii dikhaa rahaa hai koi,
nafaz nafaz pe mujhe yaad aa rahaa hai koii .

TaKhayulaat ke dhoke hai sab shab-e-vaadaa,
na aa rahaa hai koii aur na jaa rahaa hai koi.

Ye husn-o-ishq ki tasviir ke hai do manzar,
ki ro rahaa hai  muskuraa rahaa hai koii

"Qadeer" hashr mein pahunche to ham ne kyaa dekhaa
kisii ke haath se daaman chhu.Daa rahaa hai koi.


By Qadeer


ENIA

Cheharaa Meraa Thaa Nigaahey Us Ki..

cheharaa meraa thaa nigaahe.n us kii
Khaamushii me.n bhii vo baate.n us kii

mere chehare pe Gazal likhatii ga_ii.n
sher kahatii hu_ii aa.Nkhe.n us kii

shoKh lamho.n kaa pataa dene lagii.n
tez hotii hu_ii saa.Nse.n us kii

aise mausam bhii guzaare ham ne
subahe.n jab apanii thii.n shaame.n us kii

dhyaan me.n us ke ye aalam thaa kabhii
aa.Nkh mahataab kii yaade.n us kii

faisalaa mauj-e-havaa ne likkhaa
aa.Ndhiyaa.N merii bahaare.n us kii

niind is soch se TuuTii aksar
kis tarah kaTatii hai.n raate.n us kii

duur rah kar bhii sadaa rahatii hai
mujh ko thaame hue baahe.n us kii



Praveen Shakir

ENIA

Aaghaz Or Anjaam

AaGaaz to hotaa hai anjaam nahii.n hotaa
jab merii kahaanii me.n vo naam nahii.n hotaa


Jab zulf kii kaalikh me.n ghul jaaye ko_ii rahii
bad_naam sahii lekin gum_naam nahii.n hotaa


Hans Hans ke javaa.N dil ke ham kyo.n na chune.n Tuka.De
har shaKhs kii qismat me.n inaam nahiin hotaa

Behtey hue aa.Nsuu ne aa.Nkho.n se kahaa tham kar
Jo mai se pighal jaaye vo jaam nahii.n hotaa

Din Duube hai.n yaa Duubii baaraat liye kashtii
saahil pe magar ko_ii koharaam nahiin hotaa


By Meena Kumari..

ENIA

Qateel Shifayi

jo bhii gu.nchaa tere hoTho.n par khilaa karataa hai
vo merii ta.ngii-e-daamaa.N kaa gilaa karataa hai

[gu.nchaa=flower bud; ta.ng=shortness/lack of breadth]

der se aaj meraa sar hai tere zaano.n par
ye vo rutbaa hai jo shaaho.n ko milaa karataa hai

mai.n to baiThaa huu.N dabaaye huye tuufaano.n ko
tuu mere dil ke dha.Dakane kaa gilaa karataa hai

raat yo.n chaa.Nd ko dekhaa hai nadii me.n raksaa.N
jaise jhuumar tere maathe pe hilaa karataa hai

[raksaa.N=dancing]

kaun kaafir tujhe ilzaam-e-taGaaful degaa
jo bhii karataa hai muhabbat kaa gilaa karataa hai

[ilzaam=accusation; taGaaful=neglect

With All Respect To Qateel Sahab

ENIA

Mana Lo

Main Thak Gayi Hoon Jana'n !!
Kandho'n Pe Daale Kab Se
Beetey Dino'n Ki Yaadai'n
Tumhari Rah Guzar Main
Gumsum Khari Hui Hoon
Ek Aas Si Hai Dil Ko
Palto Ge Tum Kabhi Tou
Lekin Ae Mere Jana'n
Tum Se Meri Taraf Tak
Jitne Bhi Raaste Hain
Wo Bad-Gumanion K
Kanto'n Se Bhar Chuke Hain
Kanto'n Main Meri Khatir
Koi Rasta Bana Lo
Bas Ab Mujhe Mana Lo......


ENIA

MERI BEBASI BHI AJEEB HAI

meri mout hai meri humsafer meri zindagi bhi ajeeb hai
mere chaaron taraf hai jalwager,teri berukhi bhi ajeeb hai

mera dard hai lab e aashna,teri ranjishon k azaab se
mere shair hain mere charager meri dil lagi bhi ajeeb hai

ju hain tana zann meri zaat per,mujhe un se koi gila nahin
mujhe jaan se woh azeez ter meri bandagi bhi ajeeb hai

main lahoo jiger se gudaaz ker,tujhe naqsh kerta hon werq werq
hai qalam ki nook se mukhtasir,teri aag'hi bhi ajeeb hai

MAIN PAHER KI TAPTI HAWAON SE,KARI DHOOP MEIN KHARA BEKHABER
SAR E RAAH TERA MUNTAZIR "MERI BEBASI BHI AJEEB HAI"


ENIA

WAQT NAHI ”

Har khushi Hai Logon Ke Daman Mein,
Par Ek Hansi Ke Liye Waqt Nahi.
Din Raat Daudti Duniya Mein,
Zindagi Ke Liye Hi Waqt Nahi.

Maa Ki Loree Ka Ehsaas To Hai,
Par Maa Ko Maa Kehne Ka Waqt Nahi.
Saare Rishton Ko To Hum Maar Chuke,
Ab Unhe Dafnane Ka Bhi Waqt Nahi.

Saare Naam Mobile Mein Hain,
Par Dosti Ke Lye Waqt Nahi.
Gairon Ki Kya Baat Karen,
Jab Apno Ke Liye Hi Waqt Nahi.

Aankhon Me Hai Neend Badee,
Par Sone Ka Waqt Nahi.
Dil Hai Ghamon Se Bhara Hua,
Par Rone Ka Bhi Waqt Nahi.

Paison ki Daud Me Aise Daude,
Ki Thakne ka Bhi Waqt Nahi.
Paraye Ehsason Ki Kya Kadr Karein,
Jab Apane Sapno Ke Liye Hi Waqt Nahi.

Tu Hi Bata E Zindagi,
Iss Zindagi Ka Kya Hoga,
Ki Har Pal Marne Walon Ko,
Jeene Ke Liye Bhi Waqt Nahi…

ENIA

Shayad

Wo Ek Masoom Si Chahat
Wo Ek Benaam Si Ulfat
Wo Meri Zaat Ka Hissa
Wo Meri Zeest Ka Qissa
Mujhy Mehsoos Hota Hay
Wo Mere Paas Hay Ab Bhi
Wo Jab Jab Yaad Ata Hay
Nigahon Main Samata Hay
Zuban Khamosh Hoti Hay
Magar Ye Aankh Roti Hay
Main Khud Se Pooch Leta Hun
Jise Main Yaad Karta Hun
Use Kya Pyaar Tha Mujhse
Jawab "Han" Soch Leta Hun
Use Bhi Pyaar Tha Shahyad
Ise "Shayad" Se Wabasta Hay Ab To Har Khushi Meri
Yehi Ek Lafz "Shayad" Ban Gaya Hay Zindagi Meri.....

ENIA

Gham E Zindagi

Is Zamane Sey Na Hum Koi Gilaa Rakhain Gay”
“Dil Lagayein Gay To Na Shart-E-Wafa Rakhain Gay”

Na Dikhayain Gay Kabhi Dil Pe Lage Zakhm Unhain
Dard Uthey Ga Magar Dil Ko Daba Rakhain Gay

Jaan De Daingein Agar Aik Ishaara Kar De
Ham Usey Apne Liye Bhi Na Bacha Rakhain Gay

Sab Hata Daingay Teri Raah Ki Rukawat Hamdam
Ghar Ke Darwazey Ko Har Waqt Khula Rakhain Gay

Unki Har Baat Ko Bhooley Se Na Bhoolain Gein Kabhi
Unki Yadoon Ko Bhi Seenay Se Laga Rakhain Gay

Toot Bhi Jaayegi Umeed Jo Tere Aanay Ki
Ek Diya Phir Bhi Hawaaon Main Jala Rakhain Gay


ENIA

Diya

Is Zamane Sey Na Hum Koi Gilaa Rakhain Gay”
“Dil Lagayein Gay To Na Shart-E-Wafa Rakhain Gay”

Na Dikhayain Gay Kabhi Dil Pe Lage Zakhm Unhain
Dard Uthey Ga Magar Dil Ko Daba Rakhain Gay

Jaan De Daingein Agar Aik Ishaara Kar De
Ham Usey Apne Liye Bhi Na Bacha Rakhain Gay

Sab Hata Daingay Teri Raah Ki Rukawat Hamdam
Ghar Ke Darwazey Ko Har Waqt Khula Rakhain Gay

Unki Har Baat Ko Bhooley Se Na Bhoolain Gein Kabhi
Unki Yadoon Ko Bhi Seenay Se Laga Rakhain Gay

Toot Bhi Jaayegi Umeed Jo Tere Aanay Ki
Ek Diya Phir Bhi Hawaaon Main Jala Rakhain Gay

Bohut Tha.........

Paas Woh Itna Tha Jaise Dil Aur Dharkan,
Dekha Toh HUm Dono Mein Fasla Bhi BUhat Tha,

Milne Ki Tarah HUm Mil Na Paye Kabhi,
Mera Aur Uska Rabta Bhi Buhat Tha,

Itnay Arsay Mein Bhi Usay Mujhpar Aithbar Na Aya,
Yeh Sach Hai K Woh Mujhe Janta Bhi Buhat Tha,

Woh Mil Kar Bhi Na Mil Saka Yeh Muqaddar Ki Baat Hai,
Maine Duaon Mein usay Manga Bhi BUhat Tha,

Ruswai K Dar Se Woh Rakh Na Saka Muhabbat Ka Bharam,
Laikin Yeh Sach Hai K Woh Mujhe Chahta BHi BUhat Tha.....!!!


ENIA

Reza Reza...

Ghar me sooraj k utarnay ka bohut ranj hua
kal mujhe raat guzarnay ka bohut ranj hua

jisne kr diya meri zaat ko rezaa rezaa
mujhko us k bikhharnay ka bohut ranj hua

yoon to es sheher men ab jhoot koi aib nahi
janay kiu tere mukarnay ka bohut ranj hua

ab tujhe dekhnay milnay ki tamanna hi nahi
niyyat-e-shoq k bhar janay ka bohut ranj hua

kooch kar jayengay QAIS to kehai gi dunya
hum ko ek shaks k janay ka bohut ranj hua

Enia

Umar Mohabbat Ki..

Umer Bher Gardeshoon Mein Qadam Rahe
Phir Bhi Na Aashnai Manzil Ham Rahe

Phir Taza Ho Aaj Rasm-e-Inkaar Mager !!
Zair-eLab Ik Halka Sa Tabassam Rahe

Phir Laboon Pe Tere Naam Ka Naghma Tehre
Paish-e-Neghah Tasawer Mujassam Rahe

Ik Zara Teri Yaad Ki Khushboo Mehke
Ta Dair Phir Qarya-e-Jaan Mein Matam Rahe

Aankhein Hi Darya Mezaaj Mili Hein Ham Ko
Naseeb-e-Daman Yahi He Ke Nam Rahe

Wo Aadam Hein Ke Jannat Badar Ho Ker Bhi
Be Lizzat-e-Khumar- e-Gandam Rahe

Umer Mohabbat Ki Is Se Kahein Kam He
Samne Sooraj Ke Jitni Dair Shabnam Rahe


ENIA

Jaan K Dushman...

Wafa main ab ye hunar ikhtiyar karna hai
Wo sach kahe na kahe aitabar karna hai

Ye tujh ko jagte rahne ka shouq kab se huwa ?
Mujeh to khair tera intizar karna hai

Hawa ki zad main jalaey hain aansoowon k chiragh
Kabhi ye jashn sar e rahguzar karna hai

Wo muskura k naye waswason main daal gaya
Khayal tha k use sharmsar karna hai

Chalo ye ashk hi moti samjh k bech aaein
Kisi tarah to hamein rozgar karna hai

Khuda khabar ye koi zid k shouq hai mohsin
Khud apni jaan k dushman se pyaar karna hai
__________________

ENIA

Koi afsaana koi baat purani likhtay..
Itni fursat hi na thi k apni kahani likhtay..

Teri umid k sahil sa juray hotay agar..
Mere sehra tere darya ki rawani likhtay..

Kuch kitaboon ma tere phool chupaya kartay..
Apnay takiya pa teri koi nishani likhtay..

Dil ka aangan teri khushboo sa mehakta shab bhar..
Hum muhabat sa tujhay "Raat ki Raani likhtay"


ENIA

Qabol Hai

Agar ae sanam teri zulf mein mere nam ka koi phool hai
to kbhi kbhi yun hi besabab tera roothna b qabool hai

jise chaho us ki dua kro, jise chaho us se wafa kro
yhi ishq waalon ki shart hai, yhi ulfton ka usool hai

arre jis k piar ne dosto mujhe sher kehna sikha dia
agar us ki bat na ho ske to yeh shaaeri b fuzool hai

sre sham tere tamam khat, teri hr nishani ko dekhna
meri zindgi ka mizaj hai, meri chahton ka wasool hai

wo nhi hai to mre dosto shab e chodhween b udas hai
yeh jo jhilmilati hai chandni, yeh to us k qadmon ki dhool hai

teri aas mein ho racha hua, teri zat se ho jura hua
koi khwab ho ya azab ho, meri jan mujh ko qabool hai…!

ENIA

Palkon Pe Aansu

Palkon pe aanso'on ko sajaya na jaa saka
us ko bhi Dil ka haal bataya na jaa saka..!!

Zakhmon se choor choor tha yeh Dil mera
ek zakham bhi us ko dikhaya na jaa saka..!!

Jab teri yaad aayi to koshish ke bao wajood
aankhon main aanso'on ko chupaya na jaa saka..!!

Kuch log zindagi main aise bhi aaye hain
jin ko kisi bhi lamhe bhulaya na jaa saka..!!

Bas is khayaal se kahin us ko dukh na ho
hum se to haal-e-ghum bhi sunaya na jaa saka..!!

Woh muskuraha tha mere ru-ba-ru magar
chehre ka rang us se chupaya na jaa saka..!!

Tanhaiyon ki aag main hum jal gaye
magar faasla ana ka mitaya na jaa saka..!!!

ENIA