Baaaz_Gasht

Aisi hi sard shaam thi vo bhi....
Jab vo mahandii rachaaye haatho.n me.n 

Apani aahaT ke Khauf se larazaa.....
Surkh Aanchal mein moohh chhipaaye hue

Apane Khat mujh se lene aayi thi.....
Us kii sahami hui nigaahon mein 

Kitani Khaamosh iltijaaye thi....
Us ke chehare kii zard rangat mein 

Kitani majabuuriyo ke saaye the....
mere haathon se Khat pakadtey hi

Jaane kyaa soch kar achaanak vo.....
Meraa shaanaa pakad kar royi thi 

Us ke yaaquut rang hontho ke.....
Kap_kapaate hue kinaaron par 

Saikadon ankahey fasaane the.....
Sard shaamon mein der tak aksar 

Jab ye manzar dikhai deta hai......
Ek lamhaa hinyi haathon se 

Mujh ko apani taraf bulaataa hai....
Ham_nashiin Rooth kar naa jaa mujh se 

aisii hii sard shaam thii vo bhii

[sard = cold; Khauf = fear; larazaa.N = trembling]
[surKh = red; iltijaa = plea/entreaty]
[zard = yellow/pale; shaanaa = shoulder]
[yaaquut = ruby (a gem); ankahe = unsaid]
[manzar = view/scene; [lamhaa = moment]
[ham_nashii.n = companion]

Teri Zaad Se Nikalna Chahta Hu..

Teri zad se nikalanaa chaahataa hai....
ye dariyaa ruKh badalanaa chaahataa hai

[zad = target/range]

vo sapanaa jis kii suurat hii nahii.n hai....
merii aankhon mein chalanaa chaahataa hai

dilo kii maandagii pe kyaa ta'ajjub....
ki suuraj bhii to Dhalanaa chaahataa hai

[maa.Ndagii = dimmed/faded/dulled' ta'ajjub = amazement]

nashist-e-dard badalii hai to ab dil...
zaraa pahaluu badalanaa chaahataa hai

[nashist-e-dard = place where it hurts]

mujhe bhii saamanaa hai karbalaa kaa....
meraa sar bhii uchhalanaa chaahataa hai

nahi hai tarjumaan-e-Gam ye aansu.....
ye paanii ab ubalanaa chaahataa hai

[tarjumaan-e-Gam = translation (representative) of sorrow]

tabassum zer-e-lab kahataa hai ....
koi jazbaa machalanaa chaahataa hai

[tabassum = smile; zer-e-lab = beneath the lips (hidden)]
[jazbaa = emotion]

Has K Farmatey Hai Wo Halat Meri...

Has ke Faramaate hain vo dekh kar haalat merii,
Kyu Tum Aasaan  Samajhate The Muhabbat merii... 

Baad marane ke bhi chhodi na Rafaaqat merii, 
Merii turbat se lagi baiThii hai hasarat merii... 

Main ne Aagosh-E-Tasavvur mein bhi kheencha to kaha, 
Pis Gayi Pis Gayi Bedard Nazakat Meri....

Aaiyna subah-e-shab-e-vasl jo dekhaa to kahaa, 
Dekh zaalim ye thi Shaam ko surat merii ...

Yaar Pehlu mein hai Tanhayi hai kah do nikale, 
Aaj kyu dil mein chupi baiathi hai hasarat meri.... 

Husn aur Ishq ham_aaGosh nazar aa jaate, 
Terii tasviir mein khinch jaatii jo hairat merii..... 

Kis Dhitayi se vo dil chhiin ke kahate hai, 
Vo Meraa Ghar hai rahe jis mein Mohabbat Meri.

'Ameer Minai' 

Teri Yaad

tujay kiaa pata teri yaad nay mujay kis terhaa say sataa diaa
kabhi khilvaton may hansa diaa,kabhi mehfilon may rulaa diaa
kabhi yun huaa ky meray kiay sajday qaza gayee,
kabhi teree hee yaad nay mujay meray RAB say mila diaaa...

Kyu Hai...

Teri tasweer meri Nigaaho mai hardam kyun hai...
Aaine to tutate rahte haiN tumhe gham kyuN hai...

Wohi lamhe wohi manjar wohi yaado ke hujjuM*...
Aur kya chahiye? Maayus mere sanam kyuN hai...

Mere na hone se shayad raahat haiN zamaane ko...
Shor ye kaisa hangaama-e-maatam kyuN hai...

Har mulaaquaat pe mujhko ye hota hai gumaan...
Faasley furkat ke ye itney beraham kyuN hai...

Dil ko sadalakht kiya sine ko bhi sad chaak kiya...
Ab bhi dilresh* mai dhadkati tu paiham* kyu hai...

Maine sincha haiN apne ashqo se dil ke gulshan ko...
Baag-e-hasti* mai khizaaoN* ka mausam kyuN hai...

Seekh Liya

Jaltee bhujtee dhoop mian sard hawa main rehna seekh liya
Is sey bhichar k hijr ka ik ik mausam sehna seekh liya

Sahil sahil takra key jab choor huey tab hum ne bhee
Darya ke lehroon mian lehrain ban ker jena seekh liya

Apna dukh bas apna he dukh hota hai ye jaan liya
Apney app sey apnee saaree baatein kehna seekh liya

Naee nawele tanhaee ke baahein daal ke baahoon main
Raat gaye tak nehr kinarey baithey rehna seekh liya

Guzara

us ki ankhoon mein mouhabat ka sitara hoga...
aik din ayee ga woh shaks humara hoga...

tum jahaam meray liyee sipiyaan chunti hogi...
woh kissi aur hi duniya ka kinara hoga...

zindagi! ab kay mera naam na shamil kerna...
gar yeh tey hai kay yehi kheel dobara hoga...

jis kay honay say meri saans chala kerti thi...
kis tarhaan us kay baghair apna guzara hoga...