Vo nahi milta mujhe is kaa gila apani jagah
us ke mere darmiya ka faasalaa apani jagah
[gilaa=complaint; darmiya=between; faasalaa=distance]
dil ki mausam ke nikharane ke liye bechain hai
jam gayi hai un ke hoTho ki ghaTaa apani jagah
zindagii ke is safar mein sainkaDo chehare mile
dil-kashii un ki alag paikar tera apani jagah
[paikar=form/body]
tujh se mil kar aane vaale kal se nafarat mol lii
ab kabhii tujh se na bichdoon ye duaa apani jagah
kar kabhii tuu mere dil kii Khvaahishon kaa ehataraam
Khvaahishon kii bhieD aur un kii sazaa apanii jagah
ik musalsal dauD mein hai manzilen aur faasale
paaNv to apanii jagah hain raastaa apanii jagah
[musal_sal=continuous]
Enia
Tuesday, September 1, 2009
Gila Apni Jagah
Subscribe to:
Post Comments (Atom)
No comments:
Post a Comment