Khula Kafan

Meray daman ko ghamon say hee bhara rehnay do
Kuch der aur in zakhmon ko hara rehany do
Yeh tahaaif aur tasaveer bhalay lay jao
Apni batein apni yadon ko mera rehnay do
Agar yeh sach hai k tum paas nahi meray
Tu meray khwabon ko haqeeqat say juda rehnay do
Yeh roshni yeh ujalay ho mubarak tum ko
Mujhay dermiyan andheron k para rehnay do
Wo ayega abhi mujh ko alwida kehnay
Tum meray kafan ko kuch der khula rehnay do
Enia